Diyalogo ng naggigiriang paksyon ng Sudan, idinaraos sa Saudi Arabia

Habang patuloy ang sagupaan sa Khartoum, kabisera ng Sudan, sinimulan ng mga kinatawan ng hukbo ng nasabing bansa at paramilitary Rapid Support Forces (RSF), ang diyalogo para sa tigil-putukan, Sabado, Mayo 6, 2023, sa Jeddah, lunsod ng Saudi Arabia, bilang bahagi ng inisyatiba ng Saudi Arabia at Amerika.

Ini-isyu ng Amerika at Saudi Arabia ang magkasanib na pahayag bilang malugod na pagtanggap sa pagsisimula ng “pre-negotiation talks.”

Sa pahayag, hiniling sa nagsasagupaang panig na aktibong makisangkot sa talastasan para sa tigil-putukan tungo sa agarang pagtatapos ng alitan.

Ayon sa Ministri ng Kalusugan ng Sudan, 550 katao na ang naitalang nasasawi, samantalang 4,926 naman ang sugatan sa kasalukuyang karahasan.

Salin:Sarah

Pulido:Rhio