Pilipinong volunteer sa ika-19 Hangzhou Asian Games, nagbigay ng karanasan

Sa panayam ng China Media Group Filipino Service, Setyembre 28, 2023 kay Olivia Miralles, Pilipinong volunteer sa ika-19 Hangzhou Asian Games, sa Huanglong Sports Centre, sinabi niya na bilang estudyante, lahat ng mga guro, nakikitaan kami ng malaking potensyal.

Mula ng nagbukas ang aplikasyon para sa ika-19 Hangzhou Asian Games volunteering, sila ang nag-udyok sa amin na mag-ambag para sa isa sa isang milyong kaganapan ito. Bagama’t sinabihan kami na ang mga responsibilidad ay magiging mabigat, nandoon sila para bigyan kami ng mental health session upang makayanan ang presyur kapag nasa pwesto na, ani Miralles.

Si Miralles ay nasa kategorya ng ticketing, ibig sabihin, hindi siya pwedeng pumasok sa loob ng stadium at ang tanging responsibilidad niya ay tignan lamang ang mga tiket kung ito ay nasa tamang laro, oras at lugar.

Isang malaking hamon ang pagkakaron ng language barrier, pero nandoon ang aming mga guro upang gabayan kami kung nahihirapan kami na bigyan ng serbisyo ang madla dito sa Huanglong Sports Center, dagdag niya.

 

Ulat/Video: Ramil Santos

Pasasalamat para sa karagdagang video: Li Ruihao, Arts Department Teacher, Zheijiang University of Science and Technology