Ipinadala Disyembre 31, 2023 nina Pangulong Xi Jinping ng Tsina at Pangulong Vladimir Putin ng Rusya ang mensaheng pambagong taon sa isa’t-isa.
Sa ngalan ng pamahalaan at mga mamamayang Tsino, ipinaabot ni Xi ang taos-pusong pagbati kay Putin at mga mamamayang Ruso.
Tinukoy ni Xi na sa harap ng maligalig na situwasyong panrehiyon at pandaigdig sa 2023, napapanatili ng relasyong Sino-Ruso ang malusog at matatag na pag-unlad, at ito’y sumusulong sa tamang direksyon.
Kasama ni Putin, sinabi ni Xi, na handang niyang panatilihin ang malapit na pakikipagpalitan kay Putin upang ipagpatuloy ang pagkakaibigan at pagsulong ng relasyong Sino-Ruso sa tamang landas.
Inihayag din ni Putin ang Manigong Bagong Taong pagbati kay Xi at mga mamamayang Tsino.
Nananalig aniya siyang sa magkasamang pagsisikap, matatamo ng kooperasyong Ruso-Sino sa iba’t-ibang larangan ang mas maraming bunga.
Salin: Lito
Pulido: Rhio