Premyer Tsino, nakikiramay sa lindol sa Hapon

Sa kanyang mensahe, Enero 3, 2024 kay Fumio Kishida, Punong Ministro ng Hapon, inihayag ni Premyer Li Qiang ng Tsina ang pakikiramay.

Aniya, sa ngalan ng pamahalaang Tsino, siya ay taos-pusong nakikidalamhati sa mga nasawi at nakikiramay sa mga kamag-anakan ng mga biktima at sugatan.

Sa pamumuno ng pamahalaang Hapones, tiyak aniyang mapagtatagumpayan ng mga apektadong mamamayan ang mga hamon, at muli nilang maitatayo ang lupang-tinubuan.

Saad pa niya, nakahanda ang panig Tsino na ipagkaloob ang mga tulong sa Hapon.

Salin: Ernest

Pulido: Rhio