Magkasanib na konsiyerto ng mga kabataang Tsino at Amerikano, idinaos sa New York

Idinaos Agosto 6, 2024, sa Konsulado ng Tsina sa New York, ng Beijing Youth Orchestra ng Tsina at National Youth Orchestra ng Amerika ang konsiyerto at aktibidad ng pagpapalitang pangkaibigan.

Lumahok sa aktibidad na ito ang halos 300 kabatang musikero mula sa Tsina at Amerika, at halos 100 kinatawan mula sa iba’t ibang sektor ng Amerika at kinatawan ng mga overseas at ethnic Chinese.

Ipinahayag ni Huang Ping, Consul General ng Tsina sa New York na ang kinabukasan ng Tsina, Amerika at buong daigdig ay nangangailangang likhain ng mga kabataan.

Sa pamamagitan ng musika at paggagalangan sa isa’t isa, tiyak na maaabot ang mas magandang kinabukasan, aniya pa.

Salin:Sarah

Pulido:Ramil