100 araw na countdown para sa 2025 Asian Winter Games, sinimulan

Inilabas ang sulo, medalya, at temang awit, Oktubre 30, 2024 sa isang aktibidad sa Harbin, lalawigang Heilongjiang, dakong hilagang-silangan ng Tsina para sa 2025 Asian Winter Games.

Ang tema ng sulo ng palarong ito ay “Surging” na sumasagisag sa kasiglahan ng winter games, at ang imahe nito ay tulad ng bulaklak na lilak.

Samantala ang temang awit ay pinamagatang “Snow of Harbin” na nagpapahayag ng magandang mithiin ng mga Asyano para sa pagkakaisa at magkakasamang pagtatatag ng komunidad na may pinagbabahaginang kinabukasan ng sangkatauhan.

Ang mga medalya ay pinangalanang “Spirit of Speed.”

Bubuksan sa Pebrero 7, 2025 ang 2025 Asian Winter Games, at mayroon nang mahigit 1,500 atleta mula sa 34 bansa’t rehiyon ang nagparehistro.

Salin:Sarah

Pulido:Rhio