Gusto Ko ang Sining na Tsino - Kompetisyon ng Talento at Kakayahan para sa mga Tagasubaybay sa Buong Daigdig

Ang sining ay may malalim at mayamang kahulugan. Ang Sining-Tsino ay nagpapakita ng mga tradisyonal na kapistahan, pagkain, kaligrapiya, pagpipinta, musika, arkitektura ng Tsina, at marami pang iba.

Sa palagay ninyo, anu-ano pa ang ipinapakita ng Sining-Tsino? Halimbawa: magagandang pasyalan, Chinese Opera, Kungfu, masasarap na pagkain, etc.

Mga kaibigan, kung mahilig po kayo sa Kulturang Tsino, at kung gusto ninyong malaman ang marami pang bagay hinggil sa Tsina at Kultura ng Bayang Tsino, pakinggan lamang po ang aming programang "Gusto Ko ang Sining na Tsino."

Maliban po rito, idaraos din namin ang isang kompetisyon ng talento at kakayahan hinggil sa Sining-Tsino, para sa mga tagasubaybay sa buong daigdig.

May iba't-ibang porma ang kompetisyon: mayroong Q & A, kompetisyon sa pagsulat ng artikulo, pagpipinta, at kaligrapiya o palabas na pansining. Inaanyayahan po namin kayong makilahok! Walang limitasyon sa bilang ng maaring ilahok na entri!

Mga detalye ng patimpalak:
1. Pagsagot ng mga tanong – Sa katapusan ng bawat programa, pakisagot lamang ang tatlong (3) tanong na aming ilalagay;
2. Pagsulat ng artikulo – Sumulat ng isang artikulo o tula upang ipakita ang inyong damdamin hinggil sa Kulturang Tsino;
3. Pagpipinta – Sa inyong sariling pananaw, ipaliwanag ang Sining-Tsino sa pamamagitan ng pagpinta;
4. Palabas na pansining – Ipakita ang inyong talento at kakayahan hinggil sa Kulturang Tsino, sa pamamagitan ng pag-awit ng Peking Opera, pag-awit ng awiting Tsino, pagpapakita ng kakayahan sa Kungfu, pagtugtog ng instrumentong Tsino, pagluluto ng pagkaing Tsino, at iba pang mga gawaing may kaugnayan sa Kultura ng Tsina.

Artikulo, Paintings, Kaligrapiya, at iba pang obrang yaring kamay:
Walang limitasyon sa porma ng mga artikulo, pero, kailangang ilakip ang titulo ng obra, pangalan, adres, at numero ng telepono ng may-katha.

Kung kayo naman ay maglalahok ng painting, kaligrapiya o anumang obrang yari sa pamamagitan ng kamay, kailangan ding ilagay ang titulo, salaysay sa tema, pangalan, nasyonalidad, adres, at numero ng telepono ng may-akda.

Audio at Video Files:
Ang mga audio files ay kailangang nasa porma ng MP3, samantalang wala namang limitasyon sa porma ng video files. Sampung minuto lamang ang nakalaang oras sa bawat audio o video entri, at kailangang hindi ito lalampas sa 200 megabytes.

Huwag kalimutang ilakip ang paliwanag at titulo ng entri; pangalan, nasyonalidad, adres, at numero ng telepono ng may-akda.

Pagpili ng mananalo:
Ang mga entri ay susuriin ng mga dalubhasa ng CRI, at pipiliin sa mga ito ang mananalo ng una, ikalawa, at ikatlong puwesto. Mayroon ding mga mapapald na iimbitahan upang libreng maglakbay sa Tsina.

Kaya, sali na, lumahok, at maglakbay sa Tsina!

Paraan ng pagpapadala ng entri

A. Koreo
Maari po ninyong ipadala ang inyong mga entri sa pamamagitan ng koreo, sa adres na Filipino Service, China Radio International, 16-A Shijingshan Road, Beijing 100040, People's Republic of China.
Para sa mga audio at video files, maari po ninyo itong ilagay sa CD at ipadala sa parehong adres sa itaas.

B. Email at Website
Para sa mga tanong pagkatapos ng bawat programa, maari po ninyong sagutin ang mga ito sa aming website na filipino.cri.cn.
Puwede rin po ninyong gawan ng didyital na kopya ang inyong entri at ipadala lamang sa email adres na: filipino_section@yahoo.com.

Taning ng pagpapadala ng entri
A. Koreo: Agosto 31, 2013
B. Email at Website: Alas-dose ng madaling araw, Agosto 31, 2013

• Southern Cantonese culture
Ang Cantonese ay nagmula sa matandang "Guangzhou Hua" | Ang Guangdong Opera ay kauna-unahang lokal na opera ng Tsina na lumalabas sa ibayong dagat | Ang Guangdong Music ay minsang "national music" sa Tsina
• Kultura ng Pagkain ng Xi'an
Ilang lutuing lokal ng Shaanxi: Yang Rou Pao Mo, Liang Pi, Rou Jia Mo... | Ang pulbos ng bigas ay pangunahing sangkap ng Liang Pi
• Jixi, salamin ng kulturang Hui ng China
Ang ancestral hall ng pamilya ni Hu ay may lawak na 1564 metro-kuwatrado | Ang apelyido ng mahigit 90% ng mga mamamayang lokal ng Longchuan ay Hu
• Xi'an, lunsod na may natatanging kulturang pangkasaysayan
Ang Xun ay natuklasan sa isang paghuhukay sa Banpo | Sina Yang Zhifa, Yang Peiyan, at iba pa ay nakatuklas ng mga Terra Cotta Warriors at Terra Cotta Horses | Gilded Ox Head Agate Cup ang pinakamahalagang relikya ng Shaanxi History Museum