Binuksan ngayong araw sa Singapore ang ika-17 di-pormal na pulong ng mga lider ng APEC, Asia-Pacific Economic Cooperation. Sa unang yugto ng pulong nang araw ring iyon, bumigkas ng talumpati si pangulong Hu Jintao ng Tsina hinggil sa pagkatig sa multilateral na sistemang pangkalakalan.
Binigyang-diin ni Hu na sa ilalim ng kalagayan ng magkakasamang pagharap ng komunidad ng daigdig sa pandaigdig na krisis na pinansyal, ang pangangalaga sa katatagan ng multilateral na sistemang pangkalakalan at pagpapasulong sa tagumpay ng Doha Round Talks ay makakabuti sa pagpapataas ng lebel ng pagbubukas ng kalakalang pandaigdig, pagpigil sa proteksyonismong pangkalakalan, pagpapasulong sa pagbangon ng kabuhayang pandaigdig, mahalaga ito para sa pagharap ng lahat ng mga kasapi ng APEC, lalaung-lalo na ng mga umuunlad na kasapi, sa mga epekto ng kasalukuyang krisis at angkop din sa komong interes ng iba't ibang panig.
Tinukoy ni Hu na buong tatag na kumakatig ang Tsina sa liberalisasyon at pasilitasyon ng kalakalan at pamumuhunan, nagsisikap para maitatag ang multilateral na sistemang pangkalakalan na pagiging pantay-pantay, makatwiran at walang-pagtanggi at konstruktibong lumalahok sa Doha Round Talks. Nakahanda anya ang Tsina na magsikap, kasama ng iba't ibang panig, para matamo sa lalong madaling panahon ng Doha Round ang komprehensibo at may-balanseng bunga.
Ipinatalastas din ni Hu na maglalaan ang pamahalaang Tsino ng 10 milyong Dolyares para maitatag ang fund sa kooperasyon ng Tsina at APEC bilang pag-eenkorahe at pagkatig ng mga departamento at bahay-kalakal na Tsino sa kooperasyong pangkabuhayan at panteknolohiya ng APEC.
Salin: Liu Kai
