Binuksan dito sa Beijing kahapon ang unang sesyon ng ika-12 Pulitikal na Konsultatibong Kapulungan ng mga Mamamayang Tsino o CPPCC. Bubuksan bukas ang unang sesyon ng ika-12 Pambansang Kongresong Bayan ng Tsina o NPC. Buong pananabik na inaasahan ng mga mamamayang Tsino ang mga bagong patakarang ilalabas sa mga sesyong ito. Pinagtutuunan naman ng pansin ng komunidad ng daigdig ang naturang dalawang sesyon.
Sa kasalukuyang mga sesyon ng NPC at CPPCC, ihahalal ang bagong liderato ng bansa. Ipinalalagay ng pahayagang Daily Telegraph ng Britanya na ang pananalitang "dapat matanggap ang matinding pagbatikos" na inilabas ni Xi Jinping, Pangkalahatang Kalihim ng Komite Sentral ng Partido Komunista ng Tsina (CPC), ay nagpasigla sa mga taong nais magpasulong ng reporma. Anu-anong epekto ang idudulot ng ideya at estilo ng pangangasiwa ng bagong liderato sa pulitika, kabuhayan, lipunan at diplomasya ng Tsina? Paano pananaigan ng bagong lider ang mga kahirapan, at pasusulungin ang reporma sa mga mahahalagang larangan? Paano malulutas ang mga realistikong isyung may kinalaman sa kapakanan ng mga mamamayan? Naghihintay ang mga mamamayan sa loob at labas ng Tsina ng sagot sa nabanggit na mga tanong.
Sa mga sesyong ito, susuriin at tatalakayin ang panukalang plano hinggil sa reporma at pagbabago ng tungkulin ng mga organo ng Konseho ng Estado. Ito ang isang mahalagang hakbangin sa pagbabago ng tungkuling ng pamahalaan, kaya lipos ng ekspektasyon dito ang iba't ibang sirkulo ng lipunan.
Noong isang taon, matatag na bumangon ang kabuhayang Tsino. Sa kalagayan ng pandaigdig na krisis na pinansiyal, lumampas na, sa kauna-unahang pagkakataon, sa 50 trilyong yuan RMB ang kabuuang bolyum ng kabuhayang Tsino, at ang 7.8% paglago nito ay nakatawag ng pansin ng buong mundo. Gusto malaman ng komunidad ng daigdig kung magbubunga o hindi ang mga patakarang ekonomiko ng bagong pamahalaan ng Tsina ng positibong epekto sa kabuhayang pandaigdig.
