Idinaos ngayong araw sa Brisbane, Australia, ang Ikalawang Round ng Talastasan ng Regional Comprehensive Economic Partnership (RCEP).
Ang naturang pulong ay itinaguyod ng Economic Research Institute for ASEAN and East Asia (ERIA), at ang tema nito ay "mga hamon para sa pagsasakatuparan ng Asean Economic Community sa 2015 ". Lumahok sa naturang pulong ang 30 kinauukulang dalubhasa, iskolar, at mga personahe ng media mula sa ASEAN, Tsina, Hapon, Timog Korea, Rusya at iba pang bansa.
Sa kanyang talumpati, sinabi ni Hidetoshi Nishimura, Executive Director of ERIA, na ang malayang sonang pangkalakalan ng RCEP sa pamumuno ng ASEAN ay isang magandang mungkahi. Pagkatapos maitatag ang RCEP, sumaklaw ito sa mga 3 bilyong populasyon, at ang Economic Aggregate sa loob ng sonang ito ay umabot sa halos 2 bilyong dolyares.
Ang "Kasunduan ng RCEP" ay sumaklaw sa maraming larangan na kinabibilangan ng kalakalan ng paninda at serbisyo, pamumuhunan, karapatan sa pagmamay-ari sa likhang-isip o IPR, patakaran ng kompetisyon, mekanismo ng paglutas sa alitan, kooperasyon ng kabuhayan at teknolohiya, kooperasyon ng adwana at iba pa. Sa pulong, isinalaysay ni Titik Anas, dalubhasa ng Indonesya na bukod sa mekanismo ng paglutas sa alitan, magkapareho ang nilalaman ng naturang mga kasunduan at 5 kasunduan ng "ASEAN Plus 1" hinggil sa malayang sonang pangkalakalan na nilagdaan ng ASEAN at 6 na dilogue partner.
Nagsimula ang talastasan ng RCEP mula Nobyembre noong nakaraang taon, at maalwan ang prosesong ito. Idinaos ang unang talastasan ng RCEP sa Bandar Seri Begawan noong ika-9 ng Mayo ng taong ito. Ipinahayag ni Mahrub Murni, kinauukulang dalubhasa ng Brunei na lipos siya ng kompiyansa na matatapos ang talastasan ng RCEP sa Disyembre ng 2015. Hinggil dito, ipinahayag din ni Rebecca Fatima Sta Maria, Opisyal ng Malaysia na pagkatapos ng talastasan ng RCEP, maaari nang ibahagi ng Tsina at ASEAN ang yaman sa serbisyo, pamumuhunan at iba pang larangan, kasama na ang pagkatig sa isa't isa. Kaya, sa hinaharap, mas mabuti para sa mga bahay-kalakal ng Tsina na maglagak ng negosyo sa ASEAN.
Salin:Sarah
