Kahapon sa Bandar Seri Begawan, Brunei, magkakahiwalay na idinaos ang mga summit meeting sa pagitan ng ASEAN at Hapon, ASEAN at Timog Korea, at ASEAN at Estados Unidos.
Sa ASEAN Japan Summit, ipinahayag ng mga bansang ASEAN na umaasa silang mas malalim na makikipagtulungan ang Hapon sa ASEAN. Umaasa rin silang matatapos, bago ang katapusan ng taong ito, ang talastasan hinggil sa kasunduan sa serbisyo at pamumuhunan ng ASEAN Japan Free Trade Area.
Sa ASEAN South Korea Summit, ipinahayag ng ASEAN na pasusulungin ang pakikipagtulungan sa Timog Korea sa larangan ng inobasyon, para mapalakas ang kakayahan ng ASEAN sa pagdedebelop na pansiyensiya at panteknolohiya.
Sa kauna-unahan namang ASEAN US Summit, inulit ni John Kerry, Kalihim ng Estado ng E.U., na ang "rebalance" ng kanyang bansa sa Asya-Pasipiko ay hindi maaapektuhan ng kasalukuyang tigil-operasyon ng pamahalaan.
Salin: Liu Kai
