Binuksan kaninang umaga sa Bandar Seri Begawan, Kabisera ng Brunei ang Ika-8 East Asia Summit. Nagtalakayan ang mga lider ng mga bansang ASEAN at 8 dialogue partners hinggil sa pagtutulungang panrehiyon.
Sa kanyang talumpati sa seremonya ng pagbubukas, sinabi ni Hassanal Bolkiah, Sultan ng Brunei, na ang paggarantiya sa sustenableng kaligtasan ng pagkaing-butil ay isang pangmatagalang gawain ng Silangang Asya sa hinaharap. Ito aniya ay direktang nakakaapekto sa pamumuhay ng mga mamamayan ng rehiyon at iba pang mga mahalagang bagay sa maraming larangan.
Ang tema ng naturang summit ay kinabibilangan ng kaligtasan ng pagkaing-butil at enerhiya, pagbabago ng klima, pagkontrol sa sakit, pamamahala sa kalamidad, at iba pa.
Salin: Andrea