Sinimulang idaos ngayong araw sa Beijing ang ika-3 Sesyong Plenaryo ng ika-18 Komite Sentral ng Partido Komunista ng Tsina (CPC). Pag-aaralan sa sesyon ang hinggil sa komprehensibong pagpapalalim ng reporma ng Tsina, at ito ay palatandaang papasok sa bagong yugto ang reporma at pagbubukas sa labas ng bansa.
Ipinahayag minsan ng mga lider Tsino na ang kasalukuyang round ng reporma ay walang katulad sa lawak at lakas, at tiyak na magdudulot ito ng malalimang pagbabago sa iba't ibang larangan ng kabuhayan at lipunan ng Tsina.
Kaugnay ng nabanggit na sesyon, sinabi ni Wang Huaichao, propesor ng Party School ng CPC, na tatalakayin sa sesyon ang hinggil sa kung anu-anong aspekto at kung papaanong isasagawa ang reporma. Sinabi naman ni Qin Gang, propesor din ng naturang paaralan, na ang priyoridad ng reporma ay pagtugon sa mga inaasahan at pangangailangan ng mga mamamayan. Ipinalalagay naman ni Cheng Yung-nien, propesor ng National University of Singapore, sa kasalukuyang matumal na kalagayan ng kabuhayan sa buong daigdig, ang reporma at pagbabago ng Tsina ay magbibigay ng bagong sigla sa kabuhayang pandaigdig.
Salin: Liu Kai