Nagpalabas ngayong araw ng editoryal ang pahayagang People's Daily kaugnay ng katatapos na ika-3 sesyong plenaryo ng ika-18 Komite Sentral ng Partido Komunista ng Tsina (CPC).
Tinukoy ng editoryal na idinaos ang sesyong naturan sa isang masusing yugto ng reporma ng Tsina, at kasunod ng pagtatapos nito, pumasok sa bagong simula ang reporma ng bansa. Kaugnay ng pinagtibay na dokumento hinggil sa desisyon sa mga mahahalagang isyu ng komprehensibong pagpapalalim ng reporma, anang editoryal, iniharap nito ang kaisipang tagapatnubay, target, tungkulin, at malalaking prinsipyo hinggil sa pagpapalalim ng reporma, at itinakda rin ang time table at roadmap sa mga usaping ito. Sinabi rin ng editoryal na ang dokumentong nasabi ay patnubay at plataporma hinggil sa komprehensibong pagpapalalim ng reporma ng Tsina.
Salin: Liu Kai