Sa Araw ng Bagong Taon ng 2014, bumigkas ng talumpati si Shinzo Abe, Punong Ministro ng Hapon na nagsabing ang pakikibaka para ibalik ang mas malakas na Hapon ay nagsimula na. Nanawagan din si Abe para sa ibayo pang pagpapalalimin ng talakayan ng mga mamamayan hinggil sa pagsusog sa konstitusyon ayon sa tunguhin ng pagbabago ng kasalukuyang panahon. Ang talumpati niya ay pinuna ng opinyong publiko sa iba't ibang panig.
Sinabi ni Fujita Takakage, Director-General ng Konseho ng Pagpapatuloy at Pagpapaunlad ng Murayama Talks ng Hapon na ang umano'y "positibong pacifism" na sinabi ni Abe ay walang kaugnayan sa kapayapaan; ito ay nangagnahulugang gusto nilang hawakan ang mga hidwaan sa pamamagitan ng lakas militar.
Ayon sa ulat ng TV station sa ilalim ng "Chosun Daliy" ng Timog Korea, parang palayo nang palayo ang pamahalaan ni Abe sa direksyon ng makakanang landas, sa kabila ng matinding pagtutol sa loob at labas ng bansa. At dahil dito, tiyak na ibayo pang lalala ang kaligaligan sa Hilagang-silangang Asya.
Pinuna din ang talumpati ni Abe ng mga media ng Thailand, Byetnam, Rusya at iba pang bansa.
salin:wle
