SINABI ni Socio-Economic Planning Secretary Arsenio M. Balisacan na sa nagaganap na kaunlaran at katatagan ng ekonomiya sa nakalipas na limang taon, makakaasa pa rin ang mga mamamayan ng magandang ekonomiya sa susunod na taon.
Sa kanyang pagharap sa mga kasapi ng Foreign Correspondents Association of the Philippines kaninang umaga, sinabi ni G. Balisacan, sa dinami-dami ng hamong hinarap ng pamahalaan nagkaroon pa ng matatag na ekonomiya. Noong 2014, umabot ito sa 6.1% samantalang ang average growth rate mula 2010 hanggang 2014 nakarating ito sa 6.2% na siyang pinakamataas na average growth mula noong kalagitnaan ng dekada sitenta.
Ipinaliwanag pa ni G. Balisacan na sa unang bahagi ng 2015, bumagal ang kaunlaran at nakarating sa 5.3% na magandang ihambing sa mga kalapit-bansa.
Napupuna rin ni G. Balisacan na lumalaki ang papel ng investment spending o capital information at pagyabong ng industriya lalo na sa pagkabuhay muli ng manufacturing sa supply side. Noong 2014, ang radio ng fixed capital formation sa Gross Domestic product ay umabot sa 21.5% mula sa 18.7% noong 2009.
Sa ikalawang bahagi ng 2015, ng real GDP growth, ikatlo ang Pilipinas sa People's Republic of China na nagtaglay ng 7.0%, Vietnam na nagtamo ng 6.4% at nauuna sa Malaysia na nagtaglay ng 4.9%, Indonesia na mayroong 4.7% at Thailand ay nagkaroon ng 2.8%. Maaaring bumaba ang produksyon dahil sa matinding banta ng El Nino.
Naging matatag ang financial system mababa ang inflation at nasa loob ng government targets. Matatag din ang current account surplus dahil sa matatag na padalang salapi ng mga Filipino mula sa ibang bansa, magandang kita mula sa business process outsourcing at kinita ng bansa mula sa turismo.
