Pinakamatinding pambobomba, dinanas ng Syria; malalaking bansa, patuloy sa pagpapasulong ng tigil-putukan

(GMT+08:00) 2016-02-22 17:12:04 CRI

Limang madugong pambobomba ang naganap nitong nagdaang Linggo, Pebrero 21, 2016, sa gitna at timog ng Syria. Di-kukulangin sa 150 ang naitalang namatay. Itinuring itong araw na may pinakamataas na death toll nitong limang taong nakalipas, sapul nang magsimula ang Syrian crisis. Inamin ng Islamic State (IS) ang paglulunsad ng nasabing mga atake.

Limang madugong pambobomba

Nitong Linggo ng umaga, niyanig ng twin bombings ang distrito ng Al-Zahra, Homs, lunsod sa dakong gitna ng Syria. Humigit-kumulang 60 katao ang namatay. Ang Al-Zahra ang distritong itinuturing na maka-pamahalaan ng Syria.

Apat na oras pagkaraan ng nasabing atake, tatlong pambobomba ang sumabog sa Sayyidah Zaynab, distrito ng mga Shiite sa timog ng Damascus, kabisera ng Syria. Siyamnapung (90) katao ang namatay at dosena ang nasugatan.

Inamin ng IS ang responsibilidad sa nasabing limang madugong pangyayari.

Ayon sa mga tagapag-analisa, ang nasabing mga pambobomba ay nagpapakita ng matagal nang pagkapoot ng IS sa mga Shiite. Itinuturing ng IS ang Shiite bilang "infidel."

Ang mga sundalo ng hukbo ng Syria habang nagsusuri sa pinagsabugan ng bomba sa distrito ng Sayyidah Zaynab, timog sa Damascus, Syria. Larawang kinunan Feb. 21, 2016. (Xinhua/Yang Zhen)

Medyasyon ng komunidad ng daigdig para sa tigil-putukan

Naganap ang nasabing mga pambobomba habang patuloy ang pagsisikap ng komunidad ng daigdig para magkaroon ng tigil-putukan ang pamahalaan ng Syria at mga armadong grupng kontra sa pamahalaan.

Napag-alamang narating nina John Kerry, Kalihim ng Estado ng Amerika at Sergei Lavrov, Ministrong Panlabas ng Rusya ang kasunduan hinggil sa mga detalye ng tigil-putukan sa pagitan ng mga nag-aalitang panig ng Syria.

Sa pandaigdig na pulong na idinaos sa Munich, Alemanya noong Pebrero 12, 2016, ipinalagay ng mga kalahok na bansa na kailangang magkaroon ng tigil-putukan ang pamahalaan ng Syria at mga armadong grupo ng bansa para mapapasok ang humanitarian aid.

Isang araw bago naganap ang nasabing mga pambobomba, ipinahayag ni Pangulong Bashar al-Assad ng Syria ang kahandaan ng pamahalaan na itigil ang putukan, sa ilalim ng kondisyon na hindi ito sasamantalahin ng mga terorista.

Tagapagsalin: Jade
Tagapagpulido: Rhio

May Kinalamang Babasahin

Comments

Nagbabagang Paksa

Kompetisyon ng Talento at Kakayahan para sa mga Tagasubaybay sa Buong Daigdig

Pinakahuling Balita

v E-commerce ng Tsina, positibong oportunidad para sa mga produktong Pilipino 11-12 13:05

v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19

v Xi Jinping: Pag-unlad ng Tsina at daigdig, hindi dapat paghiwalayin 11-10 21:12

v Xi Jinping, lubos na pinahahalagahan ang inklusibo at sustenableng pag-unlad 11-10 19:45

Napiling Artikulo

• Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina

• Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai

• Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas

• Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina

More>>

SMS sa CRI sa 09212572397

6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.

6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.

92041552XX: Happy Easter sa buong staff ng Filipino Service!

6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.

6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.

More>>