Sa katatapos na Ika-4 na Nuclear Security Summit (NSS) na idinaos noong unang araw ng Abril sa Washington D.C., Amerika, komprehensibong inilahad ni Pangulong Xi Jinping ang mga patakaran at paninindigan ng Tsina, isinalaysay ang bagong progreso ng Tsina sa larangan ng seguridad na nuklear, at ipinatalastas ang mga hakbangin ng bansa sa pagpapalakas ng seguridad na nuklear at pagpapasulong ng kooperasyong pandaigdig.
Tungkol dito, magkakasunod na nagbigay ng positibong pagtasa ang mga dalubhasa at iskolar sa buong mundo.
Ipinalalagay ni Daniel Lipman, Pangalawang Direktor ng Nuclear Energy Institute ng Amerika na magkasundo ang mga may kinalamang mungkahing iniharap ni Pangulong Xi at ang pangangailangan ng komunidad ng daigdig at iba pang bansa sa pagpapalakas ng seguridad na nuklear. Ikinasisiya aniya makita ang positibong papel pinapapatingkad ng Tsina at Amerika sa pangangalaga sa seguridad na nuklear at tunguhin ng dalawang bansa sa pagpapalakas ng kooperasyon sa kalakalang nuklear sa pansibilyang gamit.
Ipinahayag naman ni Zhu Jianrong, professor ng Toyo Gakuen University ng Hapon na binigyang-diin ni Pangulong Xi ang kahalagahan ng pagpapatatag at pagpapalakas ng pandaigdigang sistema ng seguridad na nuklear at ang Tsina ay nagiging tagapagtatag at tagapagpasulong ng sistemang ito.
Ipinalalagay ni Li Renliang, isang dalubhasa galing sa National Institute of Development Administration ng Thailand na ang tampok sa talumpati ni Xi ay pagkabalanse ng kakayahan at responsbilidad, karapatan at pananagutan. Naipakita rin aniya nito ang determinasyon ng Tsina sa paglahok sa pamamahalang nuklear ng buong daigdig.
