Ayon sa ulat kahapon, Biyernes, ika-12 ng Agosto 2016, ng kapulisan ng Thailand, ang sunud-sunod na bombing attacks na naganap kamakailan sa katimugan ng bansa ay posibleng may kinalaman sa referendum na nagpasa sa bagong Konstitusyon, dahil ang mga lalawigang pinangyarihan ng insidente ay pawang nagsulong sa bagong Konstitusyon.
Ayon pa rin sa kapulisan, ang naturang mga pag-atake ay kontra-gobyerno, at ang target ng mga ito ay pagdungis sa imahe ng Thailand, at pananabotahe sa turismo ng bansa.
Sa isang may kinalamang ulat, sa pamamagitan ng kanyang tagapagsalita, ipinahayag kahapon ni Pangkalahatang Kalihim Ban Ki-moon ng United Nations ang pagkondena sa mga pagsabog sa katimugan ng Thailand.
Nagpahayag si Ban ng pakikiramay sa pamahalaan at mga mamamayan ng Thailand. Umaasa aniya siyang mapapasakamay ng kinauukulan sa lalong madaling panahon ang mga maykagagawan ng mga insidenteng ito.
Salin: Liu Kai