|
||||||||
|
||
Sa regular na cabinet meeting, ipinahayag Linggo, Hunyo 3, 2018, ni Punong Ministro Benjamin Netanyahu ng Israel, na sa kanyang gagawing biyahe sa Europa, tatalakayin nila ng mga lider ng Alemanya, Pransya, at Britanya ang tungkol sa kung paano patuloy na "pigilan ang isyung nuklear ng Iran."
Ani Netanyahu, i-u-ulit niya sa nasabing tatlong bansa na hindi pahihintulutan ng Israel ang "pagkakaroon ng Iran ng sandatang nuklear." Bukod dito, ang "pagpigil sa ekspansyon ng Iran sa rehiyong Gitnang Silangan, lalo na sa Syria" ay magiging pokus din ng pag-uusap ng mga lider ng tatlong bansa. Patuloy aniyang bibigyang-dagok ng Israel ang presenyang militar ng Iran sa Syria.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |