Islamabad, Pakistan—Nakipagtagpo Linggo, Setyembre 8, 2019 si Pangulo Arif Alvi ng Pakistan kay Wang Yi, dumadalaw na Kasangguni ng Estado at Ministrong Panlabas ng Tsina.
Pinasalamatan ni Alvi ang ibinigay na pagkatig at pagtulong ng panig Tsino sa iba't ibang aspekto nitong nakalipas na mahabang panahon. Umaasa aniya siyang matatamo ng Tsina ang bagong progreso sa proseso ng pag-unlad at konstruksyon ng bansa. Dagdag ni Alvi, ang anumang tangkang ibukod ang Tsina at hadlangan ang pag-unlad nito ay tinututulan ng panig Pakistani, at tiyak itong mabibigo.
Saad naman ni Wang, nakahanda ang panig Tsino, kasama ng panig Pakistani, na ibayo pang itatag ang mas mahigpit na community with a shared future ng dalawang bansa sa bagong panahon. Aniya, sa pamamagitan ng pagpapalalim ng kooperasyon sa iba't ibang larangan, itatatag ang economic corridor ng Tsina at Pakistan. Ito ay bilang modelong proyekto ng de-kalidad na pag-unlad ng Belt and Road, dagdag niya.
Salin: Vera