150 set ng high-flow humidifier para sa mga pasyenteng Pinoy ng COVID-19, ibinigay ng Embahadang Tsino

(GMT+08:00) 2020-10-22 14:30:50 CRI

Isandaan at limampung (150) set ng high-flow humidifier ang ibinigay Miyerkules Oktubre 21, 2020, ng Embahadang Tsino sa pamahalaan ng Pilipinas para tulungan ang mga nahawahan ng Corona Virus Disease 2019 (COVID-19), lalo na ang mga nasa kritikal na kondisyon.

Ayon kay Huang Xilian, Embahador ng Tsina sa Pilipinas, ang naturang mga kagamitan ay nagpapakita ng matibay na pagkakapit-bisig ng Tsina at Pilipinas sa magkasamang paglaban sa pandemiya ng COVID-19.

Umaasa si Huang na ang pagbangon ng kabuhayang Tsino ay makakatulong sa muling pagsigla ng kabuhayang Pilipino at magpapanumbalik sa normal na kaayusan ng lipunan at komersyo sa ilalim ng pamumuno ni Pangulong Rodrigo Roa Duterte.

Pinasalamatan naman ni Executive Secretary Salvador Medialdea, ang tuluy-tuloy na pagtulong at pagsuporta ng panig Tsino sa pagpuksa ng Pilipinas sa COVID-19.

Hanga aniya siya sa natamong bunga ng Tsina sa pag-unlad ng lipunan at kabuhayan, at naniniwala siya, na ang mga ito ay magdudulot ng mga pagkakataon para sa pagbangon ng kabuhayan ng Pilipinas.

Ang 150 set ng high-flow humidifier ay ang pinakahuling batch ng high-end na kagamitang medikal na ibinigay ng Pasuguang Tsino sa Pilipinas.

Matatandaang 130 ang kabuuang bilang ng mga ventilator na nauna nang ibinigay ng Pasuguang Tsino.

Kasabay nito, patuloy ang iba't ibang sektor ng Tsina sa pagkakaloob ng mga suplay na medikal sa Pilipinas, sa pamamagitan ng iba't ibang tsanel.

Sa kasalukuyan, mayroon nang mahigit 250,000 test kits, at 1.87 milyong surgical masks, personal protective equipment (PPE) at iba pa ang naibigay ng pamahalaang Tsino sa Pilipinas.

Bukod dito, aktibong tumutulong ang mga pamahalaang lokal, bahay-kalakal at samahang sibil ng Tsina sa laban ng Pilipinas kontra COVID-19, at mga 10 milyong test kits, masks at PPE ang kanilang naibahagi.

Dagdag pa riyan, 40,000 "Friendship Bags" na naglalaman ng mga pagkain at pang-araw-araw na kagamitan ang ibinigay kamakailan ng Embahada at Konsuladang Tsino sa mga pamilyang Pilipinong apektado ng COVID-19.

Ulat: Ernest

Pulido: Rhio/Jade

Larawan: Pasuguan ng Tsina sa Pilipinas

May Kinalamang Babasahin

Comments

Nagbabagang Paksa

Kompetisyon ng Talento at Kakayahan para sa mga Tagasubaybay sa Buong Daigdig

Pinakahuling Balita

v E-commerce ng Tsina, positibong oportunidad para sa mga produktong Pilipino 11-12 13:05

v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19

v Xi Jinping: Pag-unlad ng Tsina at daigdig, hindi dapat paghiwalayin 11-10 21:12

v Xi Jinping, lubos na pinahahalagahan ang inklusibo at sustenableng pag-unlad 11-10 19:45

Napiling Artikulo

• Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina

• Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai

• Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas

• Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina

More>>

SMS sa CRI sa 09212572397

6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.

6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.

92041552XX: Happy Easter sa buong staff ng Filipino Service!

6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.

6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.

More>>