[Ernest] Migrant Workers, mahalagang bahagi ng mga lunsod ng Tsina

Kung tatanungin ninyo kung aling awitin ang pinakapopular ngayon sa mga lunsod sa Tsina，marahil，marami ang sasagot na ang kantang "In the Spring" na inawit ng dalawang migrant workers at kinatha ni Wang Feng, isang kilalang musikero sa Tsina ang pinakakilala

Noong nagdaang Nobyembre, inawit nina Liu Gang at Wang Xu, dalawang palaboy na ikinabubuhay ang pagkanta ang awiting ito sa isang kilalang palatuntunan sa China Central Television （CCTV）. Pagkatapos ng kanilang pagtatanghal, mabilis silang napansin at patuloy pa silang nagiging popular sa buong bansa.

Ang kanilang pagsikat ay dahil na rin sa kanilang kapasidad bilang migrant workers, at ang awiting ito ay nagpapakita ng hangarin ng iba pang mga migrant workers na nagsisilbing tunay na bahagi ng iba't-ibang lunsod sa Tsina.

Si Liu Gang ay sa kalawa at Si Wang Xu ay sa kanan

Sapul nang itatag ang Peoples Republic of China （PRC）, matagal nang isinasagawa ng pamahalaang Tsino ang dalawang uri ng household registration system. Ang isa ay para sa mga permanenteng residente ng lunsod at ang isa naman ay para sa mga magsasaka. Dahil magkaiba ang lunsod at kanayunan, magkaiba rin ang ilang obligasyon at kapakanan ng mga magsasaka at permanenteng residente, batay sa kani-kanilang household registration.

Bago 1978, taong sinimulang isagawa ng Tsina ang reporma at pagbubukas sa labas, walang sala-salabat ang nabanggit na dalawang uri ng sistema. Pero, pagkatapos ng 1978, nagbago nang malaki ang kalagayang ito.

Dahil sa pangangailangan ng pag-unlad ng kabuhayan at proseso ng pagsasabayan ng Tsina, nagtitipun-tipon ang mga lumalaking pondo, material at saka ang lakas-manggagawa na pangunahing galing sa kanayunan. Ang mga yamang ito ay nakapagsusulong ng mabilis na pag-unlad ng kabuhayan at proseso ng pagsasabayan ng bansa.

Sa kasalukuyan, ang mga lunsod ng Tsina, lalo na sa mga malalaking lunsod na gaya ng Beijing, Shanghai at Shenzhen, ay nagkakaroon ng mas mabuting kondisyon kaysa sa kanayunan, sa mga aspeto ng edukasyon, pamumuhay, kalusugan, pabahay at iba pa. Kaya ang parami nang paraming magsasaka ay pumiling magtrabaho sa lunsod.

Sa katotohanan, ang mga migrant workers ay naging di-mawawalang bahagi ng lunsod. Malaki ang ginagawa nila para sa pagpapaganda ng pamumuhay at kapaligiran ng lunsod. Nagsisilbi sila bilang manggagawa sa pabrika, yaya sa mga bahay ng mga residente, tagapaglinis ng mga lansangan, nagtitinda ng meriyenda at iba pa.

Halimbawa, tuwing spring festival season nitong ilang taon, pansamantalang tumaas ang suweldo ng mga yaya, dahil ang karamihan sa kanila ay galing sa nayon at dapat silang umuwi sa spring festival. Ito ay ang pinakamahalagang pestival para sa lahat ng mamamayang Tsino.

Pero dapat kilalanin na lumitaw ang ilang isyu hinggil sa mga bagong migrant workers na isinilang noong ika-8 at ika-9 na dekada ng nagdaang siglo. Para sa kanila, ang pinakamalaking pagkakaiba nila kumpara sa mga migrant workers na isinilang bago mag-1978 ay gusto nilang mamuhay na kapantay ng mga residente ng lunsod.

Kaya ito'y susi ng mga kasalukuyang isyu hinggil sa migrant workers.

Mga migrant workers na isinilang noong ika-8 at ika-9 na dekada ng nagdaang siglo.

At nagsasadya sila sa mga malaking lunsod.

Unang-una, dahil sa umiiral na household registration system ng Tsina, halos lahat ng mga lehitimong kapakanan nila ay ipinagkaloob ng kanilang sinilangang nayon：ang ibig sabihin nito, kahit magbigay sila ng parehong pagsisikap kumpara sa mga residente ng lunsod, hindi nila kayang makapagtamasa ng kasimbuting serbisyong pampubliko na gaya ng edukasyon ng anak at kalusugan.

Bukod dito, dahil naman sa proseso ng pagsasabayan, bumabawas nang bumabawas ang mga bukirin sa nayon, kung babalik sila sa roon, may malaking posibilidad na talagang magiging mahihirap ang kanilang pamumuhay.

Sa ika-12 panlimahang taong plano (mula sa taong 2011 hanggang 2015), iniharap ng pamahalaang Tsino na dapat makapagtamasa ang bawat mamamayan ng bunga ng usapin ng reporma at pagbubukas sa labas at maayos na lutasin ang mga isyu hinggil sa migrant workers. Sa katotohanan, para sa karamihan ng mga mamamayang Tsino, ang kanilang mga kamag-anak ay galing sa nayon at nakatira sa nayon. Kaya dapat magbigay kaming mga residente sa lunsod ng sariling ambag para tulungan silang makipagkaisa sa pamumuhay ng lunsod at pahalagahan ang kanilang pagsisikap.