Ang paksa natin ngayong gabi ay "kaligayahan." Yeah. Magandang salita ito, di ba? Siyempre, lahat tayo gustong lumigaya, pero, paano. Ano ang dapat nating gawin? Sa programa natin ngayong gabi, bibigyan namin kayo ng ilang tips para kahit papaano ay tumaas ang level of happiness ninyo. Mayroon ka bang idea kung paano lumigaya?
Alam na alam nating lahat na mahalagang mahalaga ang ehersisyo, pero ilang tao lang ang talagang regular na gumagawa nito. Ang iba paminsan-minsan lang, kung meron lang oras at iyong iba halos talagang walang ehersisyo. ngunit, Bukod sa marami nang health benefits, ang ehersisyo ay nakakatulong din para tayo ay higit na maging matalino at masaya at nakakatulong din sa ating pagtulog, sa pagpapataas ng libido at iba pa. Nagsagawa ng test ang Harvard at sinubaybayan nila ang isang grupo ng mga taong may edad na pitumpung gulang pataas. Natuklasan nila na ang ehersisyo ang siyang pinakamahalagang lihim ng pagkakaroon ng mahabang buhay ng mga may edad na ito. Kaya, kung hindi ninyo ugali ang pag-e-ehersisyo, simulan na ninyo ngayon.
Ang isa pang mahalagang lihim ng mga taong may pinakamahabang buhay ay ang pakikipag-ugnayan sa ibang tao. Ayon sa pag-aaral, sa katotohanan, ang magandang relasyon ay mas higit pang nakakatulong sa pagkakaroon ng mahabang buhay kaysa sa ehersisyo. Ang kaibigan ay susi sa pagpapabuti ng ating buhay. Kung hindi ninyo alam kung paano ito sisimulan, magbahagi lang kayo ng magagandang balita sa inyong pamilya at mga kaibigan at tugunin naman ninyo sila kung sila ay magbahagi din ng magandang balita sa inyo. Ito ay magandang simula ng pagkakaroon ng magandang relasyon sa ibang tao.
Ang paghipo o pagdadaiti ng kamay sa braso o likod ng ibang tao ay hindi lamang nakakabawas ng stress kundi nakakatulong pa sa mabuting pakikipag-ugnayan sa ibang tao. Ang yakap ay nakakapagpaligaya, samantalang ang sex naman ay nakakatulong para maiwasan ang sakit sa puso at kanser. Bukod dito, nakakatulong din ito sa pagpapalakas ng ating immune system at sa pagpapahaba ng ating buhay.
