Alam ng lahat, ang Tsina ay malaking bansa at mayaman sa iba't ibang fossil, halimbawa, sa Nanyang ng lalawigang Henan at Erlianhaote sa Inner Mongolia, natuklasan ang mga dinosaur egg at fossil, sa lalawigang Liaoning, ginalugad ang mga archaeopteryx fossil at iba pa. Ang mga fossil na ito ay nagkaroon ng mahalagang katuturan para sa pananaliksik na siyantipiko at nagsisilbing mahalagang yaman para sa Tsina at buong daigdig. Kaugnay nnito, sinabi ni Wang Zhenjiang, opisiyal ng konseho ng estado ng Tsina na namamahala sa pangangalaga sa kapaligiran, na
"Ang mga fossil ay nagsisilbing mahalagang data para sa pag-aaral ng proseso ng ebolusyon ng mundo at mga bagay na may buhay. Ito naman ay ginagamit para sa paghahanap ng mga yamang mina."
Kaya upang mapangalagaan ang mga fossil na ito at istandardisahin ang mga aksyon na gaya ng paggagalugad, transaksyon at koleksyon ng mga ito, espesyal na binalangkas ng pamahalaang Tsino ang regulasyon para sa pangangalaga sa mga fossil. Pagkaraan nito, binalangkas ng mga may kinalamang departamento ng Tsina ang mga katugong hakbangin.
Ayon sa salaysay, ang regulasyong ito ay opisiyal na paiiralin sa unang araw ng susunod na taon at ayon sa regulasyong ito, maitatatag ng pamahalaang Tsino ang lupon ng mga dalubhasa para tasahan ng mga dalubhasa ang mga fossil at patingkarin ang kanilang papel sa pangangalaga sa mga fossil na gaya ng paggagalugad, pagpepreserba at paglabas-pasok ng bansa. Bukod dito, itinakda pa ng regulasyong ito ang mahigpit na artikulo sa aspekto ng responsibilidad na pambatas at sistema ng pangangasiwa. Kaya kung sinoman ay lalabag sa mga regulasyong ito, halimbawa, hindi ililipat ang mga natuklasang fossil sa may kinalamang organo batay sa regulasyon, isasagawa ang ilegal na pagbili at pagbebenta, koleksyon, pagpapalitan at pag-abuloy ng mga fossil, matindi silang paparusahan: mamumultahan nang malaki o isasailalim sa batas. Kaugnay nito, inilahad ni Wang Shouzhi, opisiyal ng Ministri ng Land and Resources ng Tsina, na
"Ang pokus ay inilagay sa pag-iistandardisa ng pangangasiwa sa paggagalugad, paglabas-pasok ng bansa at konleksyon ng mga fossil at dapat kompletuhin namin ang nilalaman ng listahan ng mga fossil na dapat mabuting pangalagaan. Kakailanganin ang mas maingat at masusing gawain para istandardisahin ang nabanggit na aksyon."
Nuna rito, dahil kulang sa pagpapahalaga sa mga fossil at kulang sa mga may kinalamang sistemang pambatas, malubha ang kalagayan ng pagpupuslit, ilegal at labis na paghuhukay ng mga fossil ng Tsina. Ayon sa di-kompletong estadistika, sa nakaraang 3 taon, pinauwi ng pamahalaang Tsino ang mahigit 5000 fossils mula sa Austria, United States, Canada at Italy batay sa Convention on the Means of Prohibiting and Preventing the Illicit Import, Export and Transfer of Ownership of Cultural Property.
Dahil sa malaking benepisyo na dulot ng kalakalan ng mga fossil, ang ilegal at labis na paghuhukay ng mga ito ay malubhang nakakasita ng yaman ng mga fossil at saka nakakahadlang sa pananaliksik na siyentipiko. Bukod dito, bunga ng pagiging masilga ng pamilihang pandaigdig ng mga fossil, ang ilang purok ng Tsina ay nagsimulang magsaalang-alang ng sariling kapakanang pangkabuhayan na dulot ng kalakalan ng fossil, kaya hindi sila aktibo sa pagkatig sa mga gawain ng paggagalugad at pananaliksik nito.
Kaya masasabing ang regulasyong ito ay magbibigay ng positibong epekto sa gawain ng pangangalaga sa mga fossil. Ito'y makakatulong sa mas mabuting pangangalaga sa fossil resources at pagbibigay-dagok sa mga may kinalamang ilegal na aksyon. Bukod dito, dapat maitatag ang mga lupon ng mga dalubhasa sa fossil sa iba't ibang antas sa buong bansa para tasahan ang mga fossil. Dapat malaman ng mga may kinalamang departamento ng Tsina ang kani-kanilang tungkulin at hindi manghimasok sa mga normal na pananaliksik na siyentipiko sa mga fossil.
