Yanshui Maodou o Boiled Salty Young Soy Beans

Hello po, mga cooking fans. Ito si inyong Chef Pogi. Natapos na ba ang pinakamainit na panahon sa Maynila at iba pang lugar ng Pilipinas? Dito sa Beijing, talagang mainit na mainit ngayon. Kaya ngayong araw, ihahandog ko ang isang cold dish na paborito ng mga Tsino sa tag-init--Boiled Salty Young Soy Beans o sa wikang Tsino: Yanshui Maodou.

Ang ulam na ito ay maalat at masarap. Mayroon itong magandang kulay berde at malambot ang murang soy beans. Madalas itong nakikita sa mga kainan sa mga tabi ng kalye at madalas itong kinakain habang umiinom ng alak.

Okey, narito ang Boiled Salty Young Soy Beans.

Mga sangkap

250 gramo ng murang soy beans na di pa inaalisan ng shell
15 gramo ng asin
2 gramo ng vetsin
5 gramo ng buto ng anis
2 gramo ng fennel
1000 gramo ng tubig

Paraan ng pagluluto

Hugasan ang murang soy beans at tanggalin ang mga dulo para makapasok sa beans ang lasa habang niluluto. Pakuluin sa palayok ang tubig at pagkaraang kumulo, lagyan ng asin, buto ng anis, fennel at tapos isunod ang murang soy beans at lutuin sa loob ng 20 minuto. Lagyan ng vetsin at patayin ang apoy at pagkatapos, ibabad sa loob ng 30 minuto. Isalin sa plato at isilbi.

Kung gusto ninyong maging kaunting maanghang ang ulam na ito at mas maganda ang kulay, puwede gamitin ang siling labuyo at lutuin kasama ng murang soy beans. Btw, mayroon bang ganitong murang soy beans sa Pinas? Sasabihin sa akin! Okey, mga kaibigan, makikita tayo sa susunod na cooking show!