Pelikulang Tsino, nood tayo!-Hear Me

Director Cheng Fenfen

Cast: Eddie Peng, Ivy Chen, Michelle Chen, Lo Peian, Lin Meihsiu

Poster ng Pelikula

BUOD NG KWENTO:

Ang Hear Me ay isang light hearted na love story nila Si TIAN KUO (Eddie Peng) at YANG YANG (Ivy Chen). Si Yang Yang ay masipag at maalalahaning kapatid ni XIAO PENG (Michelle Chen) isang swimmer na bingi. Nag tratrabaho si Yang Yang para suportahan ang kapatid na balak sumali sa Deaflympics. Masayahing delivery boy naman si Tian Kuo. At isang araw matapos magdala ng pagkain sa ensayo ng swimming team ni Xiao Peng, na love at first sight si Tian Kuo kay Yang Yang.

Si Eddie Peng sa pelikula

Si Ivy Chen sa pelikula

Pero akala ni Yang Yang bingi din Xiao Peng at iniwasan nito ang manliligaw. Kasunod nito ang paglalahad ng kwento ng pag-ibig, pakikisama, pakikipag-usap, pang-unawa at ang pagpapahalaga sa pamilya.

KOMENTO:

Sign Language ang gamit ng mga bida imbes na dialogo. Handog ng pelikula ang pag silip sa buhay ng mga kabataang bingi. Mahirap magka-intindihan kung ganito ang sitwasyon pero kung bukas ang kaisipan at tunay ang nararamdaman, pasasaan ba't magkakamabutihan ang mga tauhan sa kwento. Ika nga nila di-kailangan sambitin, mas mainam kung ipararamdam ang pag-ibig.

Isang tagpo sa pelikula

Oo nga't love story ang Hear Me, pero kung susuriin pokus din ng pelikula ang buhay ng mga ordinaryong tao na kabilang sa "lower class" na nagbababat ng buto para kumita, maganda ang pananaw ukol sa trabaho, simple at masigasig kaya naman madaling makaka relate ang mga manonood dito.

Mahirap man ang buhay, positibo at masaya pa rin ang pananaw . At pinalutang ito ng direktor, Ito marahil ang dahilan kung bakit pumatok ito sa takilta at naging isa sa pinaka matagumpay na pelikula sa Taiwan noong 2010.