Kambal sina Oxide at Danny Pang, mga kilalang direktor na mula sa Hong Kong. Ang kanilang claim to fame ay ang hit movie na The Eye, isang horror film na sikat sa Asya.
Tunay na nakapangingilabot na pelikula ang The Eye kaya sobrang sikat ito. Kaya nagka Hollywood remake ito at maging sa India ay gumawa sila ng sarili nilang bersyon. Bukod sa The Eye, amg kambal din ang nasa likod ng Bangkok Dangerous. Bida sa Hollywood remake si Nicolas Cage kung matatandaan ninyo.
Ipinalabas ngayong taon ang Conspirators na written and directed ni Oxide Pang.
At ang cast ay kinabibilangan nila Aaron Kwok, Nick Cheung, Jiang Yiyan, Chen Kuan-Tai, Lin Wei, Chaos Lee, Siu Fei at Ah Niu.
Ang Conspirators ang 3rd film ni Aaron Kwok kasama si Oxide Pang. Una silang nagtambal sa hit na pelikulang The Detective (2007).
May dalawang Detective movies ang sumunod dito kung saan si Tan ang naatasang lumutas sa mga kaso. Sa Conspirators nakasama ni Tan si Zheng Fong Hei papel ni Nick Cheung. Magkasama silang nagiimbestiga ng isang murder na naganap 30 years ago. Ang mga biktima ay mga magulang ni Chan Tan. At ang paghahanap sa mga salarin ay nauwi sa pakikipaglaban nila sa isang drug cartel.
FYI sa mga di kilala si Aarok Kwok, napanalunan nya recently ang Best Actor award sa 5th China Image Film Festival para sa pelikulang Silent Witness. At sya rin ang record holder bilang nag-iisang aktor na nanalo ng 2 magkasunod na Golden Horse Awards bilang Best Actor. 2005 para sa Divergence at 2006 para sa pagganap niya sa pelikulang After This Our Exile.
Si Nick Cheung naman ay big winner din bilang Best Actor sa Shanghai International Film Festival nitong Hunyo para sa "Unbeatable. " At muling nanalo si Nick Cheung bilang Best Chinese Actor in Motion Pictures award sa 10th Huading Awards. So parehong bigatin na mga aktor ang napaanood natin sa Conspirators.
Trivia pa, ayon sa Chinese media sina Aaron Kwok, Jacky Cheung, Andy Lau at Leon Lai ang Cantopop Four Great Heavenly Kings . Si Aaron Kwok ang tinaguriang "Hong Kong Michael Jackson" dahil sa kanyang galing sa pagsayaw. Siya rin ang bida ng Cold War.
Madaling sundan at hindi kumplekado ang Conspirators. May ilang twists sa bandang dulo at sa pagtatapos lahat ng bida ay may happy ending. Rating ng mga movie buddy sa pelikula: 8
Si Aaron Kwok
1 2 3
