Chamber Music Festival at Classical Music ng Tsina

Idinaos sa Beijing noong unang araw hanggang ika-7 ng Disyembre 2015 ang 8th Chamber Music Festival 2015. Nag-perform ng mga tradisyonal at makabagong musika ang mga artista mula sa loob at labas ng Tsina, at nagpalitan din sila ng ideya hinggil sa musika.

Noong ika-3 ng Disyembre, idinaos naman sa Chinese Central Conservatory of Music ang "Sino-German Music Bridge Concert." Magkakasamang tinugtog nina Manfred Fock, piano master ng Alemanya, at Yang Gefang, kilalang violinist ng Tsina ang mga musika nina Mozart Brahms, Schubert Strauss, at iba pang mga kilalang artista ng classical music.

Tungkol sa pakikipagtulungan sa mga artisang Tsino sa nasabing festival, sinabi ni Manfred Fock, na walang hanggan ang musika. Kahit iba't-iba ang kanilang wika, maayos nilang naidaos ang konsiyerto.

Sabi niyang malaki ang impluwensya sa isat-isa ng pag-aral sa musika ng iba't ibang bansa. Gusto niya ng tradisyonal na musika ng Tsina kahit hindi siya pamilyar sa mga instrumento.

Sa concert, nakatawag ng maraming pansin ang mga batang artist. Umawit ng opera sa wikang Aleman si Wang Chuanyue, batang artista na nag-graduate mula sa Central Conservatory of Music. Itinanghal naman ng Elege National Chamber Music, ang sound track ng bagong version ng TV Series na "A Dream in Red Mansions," isa sa 4 na pinakabantog na novel sa Tsina. Ang bandang "Sheng Feng," grupo na itinatag ng mga estudyante ng Central Conservatory of Music ang tumugtog sa mga tradisyonal na instrumentong Tsino.

Hindi ganito kapopular ang mga tradisyonal na musikang Tsino dito sa Tsina, kumpara sa mga pop music ng mga kaunlaring bansa. Maraming pag-iisip at inobasyon ang ginagawa ng mga batang estudyante para mapasulong ang paggagalaganap nito.

Sinabi ni Shang Zude, estudyante ng Central Conservatory of Music, na bukod sa mahusay na pagtatanghal, kinakailangang maging komersyal ang mga tradisyonal na musikang Tsino. Aniya, dapat mas maraming concert ang maging bukas sa publiko at bago ang pagtugtog, advertisement.

Central Conservatory of Music

Itinatag aniya ng mga estudyante ang mga banda na binubuo ng kapwa tradisyonal na instrumentong Tsino at western instrument, para tugtugin ang mas maganda at popular na musika. Dahil sa kombinasyong ito, kumakalat ng mas malawak ang paggamit ng tradisyonal na instrumentong Tsino.

Bilang isang manoonod na mahilig sa pop music, ipinahayag ni Yang Ruigong, na para palaganapin ang classical music ng Tsina, dapat patuloy na likhain ang magagandang musika, at gawin ang mas social na kapaligiran para sa pagtatanghal ng classical music. Ito ay para ipakita sa mga manonood, na hindi lamang sila maaring makinig sa musika, maari rin silang maging miyembro ng isang espesyal na grupo.

Ang concert na ito ay itinaguyod ng Central Conservatory of Music at Hamburg Liaison Office. Ang Hamburg ay mahalagang port ng Alemanya, sentro ng komersyo at kultura, at kilala rin ito dahil sa Elbe Philharmonic Hall.

Elbe Philharmonic Hall