Kapag ikaw ay nasa ibang bansa, natural lamang na ma-miss mo ang iyong pamilya, kaibigan at siyempre lasa ng mga pagkaing kinalakihan. Bilang isa ring expatriate, ganyan din po ang nararamdaman ng inyong lingkod. Noong una po tayong dumating sa Beijing, 6 na taon na ang nakakraan, halos wala, o kung meron man, napakamahal ng western food dito, at kung minsan ay hindi pa authentic.
Pero, ngayon, mayroon nang mga laowai o mga expatriate ang nagsisimulang magtayo ng mga negosyo ng western at Asian food sa lunsod. Para sa ating episode ngayong gabi, bogchi o masasarap western food na dumarating sa Beijing at ang mga chef na nagluluto ng mga ito ang ating pag-uusapan.
