|
||||||||
|
||
Ito po si Rhio Zablan para sa espesyal na programa ng Serbisyo Filipino - China Media Group hinggil sa Pambansang Pagdadalamhati ng Tsina para sa mga Nasawi sa Corona Virus Disease 2019 (COVID-19). Ito rin ay isang programa ng paggunita sa buhay at kabayanihan ng mga martir na nag-alay ng huli at pinakamataas na sakripisyo sa pagpuksa sa epidemiya ng COVID-19.
Sa araw na ito, Abril 4, 2020, itataas sa kalahating tanghal ang pambansang watawat ng Tsina sa buong bansa, at sa lahat din ng mga embahada at konsuladang Tsino sa buong mundo. Lahat ng pampublikong aktibidad na panlibangan ay suspendido rin sa araw na ito.
Alas diyes ng umaga, lahat ng mga Tsino ay mag-aalay ng 3 minutong katahimikan para sa lahat ng pumanaw dahil sa epidemiya. Ito ay kasabay ng pagpapatunog ng mga sirena at busina ng mga kotse, tren, barko. Ito ay bilang pagpapakita ng pagdadalamhati sa mga pumanaw.
Haggang Biyernes, Abril 3, 2020, 81,639 ang lahat ng kumpirmadong kaso ng COVID-19 sa mainland Tsina, samantalang 3,326 naman ang pangkalahatang bilang ng mga nasawi.
© China Radio International.CRI. All Rights Reserved. 16A Shijingshan Road, Beijing, China. 100040 |