8 lokal na kumpirmadong kaso ng COVID-19, naiulat sa Chinese mainland nitong Enero 2

Ayon sa Pambansang Komisyong Pangkalusugan ng Tsina, nitong Sabado, ika-2 ng Enero 2021, naiulat sa Chinese mainland ang 24 na bagong kumpirmadong kaso ng Coronavirus Disease 2019 (COVID-19), na kinabibilangan ng 8 lokal na nakahawang kaso at 16 mula sa labas ng bansa.

 

Kabilang sa 8 lokal na kaso, 4 ang naiulat sa lalawigang Heilongjiang, 2 sa lalawigang Liaoning, 1 sa Beijing, at 1 naman sa lalawigang Hebei, ayon pa rin sa naturang komisyon.

 

Walang naiulat na bagong pinaghihinalaang kaso at pagkamatay sa COVID-19, dagdag nito.

 

Salin: Liu Kai