Fried Fish with hot Sweet Sour Sauce

Mga Pangunahing Sangkap

500 gramo ng white fish fillets

Asin at paminta

1 itlog, binati

3 kutsara ng harina

Cooking oil para sa pagpiprito

Sariwang mga dahon ng coriander para sa garnish

Para sa Sauce

4-6 na pulang sili o red chillies

4 na butil o cloves ng bawang

3 gayat ng sariwang luya

2 kutsara ng cooking oil

4 na malalaki at hinog na kamatis, tinalupan at ginayat nang manipis

2 kutsara ng tomato sauce

1/2 tasa ng tubig

2 kutsara ng suka

2 kutsara ng light soya sauce

2 kutsara ng asukal

1 kutsarita ng asin

2 kutsarita ng mixture of cornstarch and water

Paraan ng Pagluluto

Una, ihanda ang sauce. Tadtarin nang pino ang sili, bawang at luya. Mag-init ng mantika sa kawali at, sa mahinang apoy, igisa ang mga tinadtad na sangkap sa loob ng 3-4 na minuto. Isunod ang mga kamatis at ituloy ang paggisa hanggang maging masa. Ihalo ang lahat ng mga iba pang sangkap liban sa mixture of cornstarch and water. Pakuluin sa loob ng ilang minuto tapos idagdag ang mixture of cornstarch and water para lumapot.

Patuluin ang fish fillets. Budburan ng asin at paminta tapos ilubog sa itlog at sa harina. Ipagpag ang labis na harina at iprito sa maraming mantika. Bago isilbi, ibuhos ang sauce at lagyan ng coriander bilang garnish.