Ang 21st Century Maritime Silk Road at Silk Road Economic Belt, o sa madaling salita, One Belt and One Road (OBOR) ay isang development strategy at framework na isinusulong sa pangunguna ng China upang palakasin ang konektibidad at kooperasyon ng mga bansang nasa rehiyon ng Eurasia. Ang OBOR ay may dalawang bahagi; ang land-based na "Silk Road Economic Belt" (SREB) at ang oceangoing na "Maritime Silk Road" (MSR).
Kapag naitayo ang OBOR, malaki ang maitutulong nito sa pagsusulong ng rehiyonal na economic cooperation, pagpapalakas ng pagpapalitan at pagpulot ng mabubuting aral sa mga karanasan ng ibang bansa, at pagpo-promote ng pandaigdig na katiwasayan.
Ang mga bansang nasa kahabaan ng OBOR na tulad ng Pilipinas, Association of South East Asian Nations (ASEAN), Tsina, etc. ay magkakaroon ng malaking resource advantage. Bukod pa riyan, malaki rin ang magiging pagkokomplimento ng mga ekonomiya ng bawat bansa sa kahabaan nito.
Sa pamamagitan ng OBOR, magkakaroon ng policy coordination, facilities connectivity, unimpeded trade, financial integration, at lalakas ang people-to-people bonds. Ang mga ito ang magiging dahilan upang magkaroon ng mas matibay na kooperasyon at pagkakaibigan ang bawat isa.
Hinggil po sa OBOR, sa loob ng maraming panahon, isa sa mga nag-pioneer ng pagpapalaganap ng kulturang Indiyano sa Tsina sa pamamagitan ng sinaunang Silk Road ay si Sidharta Gautama, o mas kilala sa tawag na Buddha. Sa pamamagitan ng kanyang mga turo, nakarating sa Tsina ang Budismo libong taon na ang nakakaraan sa pamamagitan ng mga negosyanteng dumaraan sa sinaunang Silk Road. Kaya naman itong si Dev Raturi na mula sa India ay very passionate sa pagpapatuloy ng simulating ito.
Pagkatapos ng 11 taong pananatili sa China, lalo pang lumakas ang mithiin niyang ipaalam sa lahat ang naging papel ng Silk Road sa pagdating ng kulturang Indiyano sa Tsina. Ito ang naging dahilan kung bakit napadpad siya sa lunsod ng Xi'an, lugar kung saan nagsisimula ang Silk Road. Bukod pa riyan, ipinagpapatuloy rin niya ang misyong ito sa pamamagitan ng kanyang Indian Culture Food Restaurant na RedFort. Dito, hindi lang Indian food ang isinisilbi, mayroon ding Indian Bollywood dance, at yoga. Ang kanyang susunod na goal, dalhin ang Chinese traditional culture sa India. Narito ang kanyang kuwento.
