|
||||||||
|
||
Senador Alan Peter Cayetano, hinirang na kalihim ng Ugnayang Panglabas
HINIRANG ni Pangulong Rodrigo Duterte si Senador Alan Peter Cayetano bilang Kalihim ng Ugnayang Panglabas. Siya ang papalit kay Acting Foreign Secretary Enrique Manalo.
Ayon sa isang pahayag ng Department of Foreign Affairs, binabati ng mga opisyal at kawani ng kagarawan si Senador Cayetano sa pagkakahirang bilang Kalihim.
Umaasa ang mga opisyal at kawani na makakasama si G. Cayetano sa paglilingkod sa mga mamamayan. Pinaghahandaan na ng kagawaran ang maayos na pagsasalin ng poder at patuloy na paglilingkod sa mga mamamayan.
Isinilang noong ika-28 ng Oktubre, 1970 si Secretary Cayetano at nakapagtapos ng Abogasya sa Ateneo School of Law noong 1997 at nagtapos ng kanyang kolehiyo sa University of the Philippines noong 1993.
Ngayong ika-17 Kongreso, si Senador Cayetano ang chairman ng Foreign Relations at Agrarian Reform committees at kasapi sa Commission on Appointments. Naglingkod na rin siyang Senador sa 14th hanggang 17th Congress.
Tatlong ulit siyang nahalal na Congressman ng Taguig-Pateros. Kasal siya kay Taguig City Mayor Laarni Lopez-Cayetano.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |