AFP Chief of Staff General Año, mauupong Secretary ng DILG
SINABI ni Pangulong Duterte na si AFP Chief of Staff General Eduardo Año ang mauupong kalihim ng Department of Interior and Local Government. Ipinakilala ni Pangulong Duterte sa mga mamamahayag sa kanyang Pre-Departure press conference sa NAIA kanina ang heneral.
Paalis si G. Duterte kanina patungong Cambodia, Hong Kong at Tsina.
Magreretiro si General Año sa darating na Oktubre. Nabakante ang posisyon matapos matanggal si Secretary Ismael Sueno matapos lumabas ang balitang sangkot siya sa katiwalian.
Ikinagulat umano ni General Año ang pahayag ni Pangulong Duterte kanina. Narinig na niyang kinikilala siya sa mga mahihirang sa pamahalaan sa oras na magretiro subalit hindi kasing-bilis ng naganap kanina. Isang kasapi ng PMA Class '83, sinabi ni Año na gagawin niya ang lahat upang makatulong sa programa ng pamahalaan sa pamamagitan ng Department of Interior and Local Government.
1 2 3 4 5