Pangulong Duterte, nanawagan ng pinag-isang programa laban sa droga
NANAWAGAN si Pangulong Rodrigo Duterte na magkaroon ng iisang programang lalaban sa illegal na droga. Ito ang kanyang mensahe bilang chair ng ASEAN ngayong 2017 sa kanyang pagharap sa World Economic Forum sa pagtitipong naganap sa Phnom Penh kanina.
Sa kanyang talumpati sa daan-daang mga delegado sa larangan ng kalakal at pamahalaan sa pagbubukas ng unang plenaryo sinabi niya na kailangan ding magkatotoo ang malawakang kaunlarang madarama ng mga mamamayan.
Itinuon ng mga pinuno ng Cambodia at Laos ang kanilang talumpati sa larangan ng ekonomiya samantalang binigyang-diin ni G. Duterte ang kanyang programa laban sa droga.
Kailangang malusaw ang illegal drug trade apparatus upang magkaroon ng isang drug-free ASEAN, dagdag pa ni Pangulong Duterte.
1 2 3 4