|
||||||||
|
||
Preferential tarrif, maaaring alisin sa oras na ibalik ang death penalty
MALAKI ang posibilidad na alisin ang preferential tariff rates na ibinibigay sa Pilipinas sa oras na ibalik ang parusang kamatayan. Ito ang sinabi ni Senador Francis Escudero sa kanilang balitaan sa Senado kaninang umaga.
Ani Senador Escudero, ilang mga European ambassadors ang nagsabing malaki ang posibilidad na ito. Niliwanag ng senador na kontra siya sa pagbabalik ng parusang kamatayan.
Nakiusap umano siya sa mga ambassador na huwag munang ituloy ang balak sapagkat magtatagal pa na maibalik ang death penalty kahit pa pumasa sa Kongreso. Pasado na sa Mababang Kapulungan ang resolusyon subalit pag-uusapan pa lamang sa Senado.
Kahit pa makapasa sa dalawang kapulungan, may maghahain pa ng reklamo sa Korte Suprema. Tatagal pa ng lima hanggang sampung taon bago matapos ang paglilitis bago maigawad ang parusang kamatayan.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |