|
||||||||
|
||
Tatanggapin ng Pilipinas ang UN rapporteur maliban kay Callamard
SINABI ni Foreign Secretary-Designate Alan Peter Cayetano na handang tanggapin ng Pilipinas ang sinumang UN Human Rights Commission rapporteur na dadalaw sa Pilipinas maliban kay Dr. Agnes Callamard.
Ito ang mensaheng ipinarating ni Senador Cayetano sa United Nations Human Rights Commission sa kanyang pagdalaw sa Geneva, Switzerland sa ikatlong pagbabalik-aral sa human rights. Ipinaliwanag ni Senador Cayetano ang posisyon ng bansa hinggil sa mga programang ipinatutupad sa pagsugpo ng illegal drugs.
Karaniwan at kinagawain na kung may issue sa isang bansa, humihingi ng independent investigationat special rapporteur. Ani Senador Cayetano, hindi magsasagawa ng anumang paglilitis na huhusga sa nagaganap sa bansa. Ito ang papanaw ni Senador Cayetano sa isang press briefing kagabi sa Phnom Penh.
Magtutungo ang rapporteur at makikipagtulungan sa pamahalaan at aalamin ang problema at magsasagawa ng mga rekomendasyon.
Inakusahan ni Senador Cayetano si Callamard at ang propesor na si Carl Hart na nagsabing walang epekto ang shabu sa utak ng gumagamit nito. Isinusulong nilang dalawang gawing legal ang paggamit ng shabu.
Hinusgahan na umano ni Dr. Callamard ang nagaganap sa Plipinas kahit hindi pa siya dumadalaw sa bansa. Dumating siya sa Pilipinas noong isang linggo at nagtalumpati sa isang pagtitipon sa University of the Philippines.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |