Resulta ng survey: karamihan ng mga mamamayang Amerikano, tutol sa pananalita ni Trump hinggil sa "Chinese virus" at "Kung Flu"

Ayon sa ulat, Martes, Hulyo 14, 2020 ng pahayagang "The Hill" ng Amerika, isinagawa nito, kasama ang kompanyang "HarrisX" ang isang survey.

Ayon sa resulta, 66% ng rehistradong botante ng Amerika, ang may palagay na di-angkop ang pagtawag sa coronavirus bilang "Kung Flu" o "Chinese virus."

Ipinalalagay naman ng iba pang 34% na botante, na walang problema ang ganitong pananalita.

Ang naturang survey ay isinagawa sa 933 rehistradong botante ng Amerika mula Hulyo 3 hanggang Hulyo 4.

Kung paksyon ng partido ang pag-uusapan, ipinalalagay ng 83% ng tagasuporta ng Democratic Party at 66% personaheng walang kinaaanibang partido na di-angkop ang paggamit ng nasabing dalawang salita sa pagtukoy sa coronavirus.

Pero ipinalalagay naman ng 56% tagasuporta sa Republican Party na okay lamang ang paulit-ulit na paggamit ni Pangulong Trump ng ganitong salita.

Kabilang sa mga tagasuporta ni Trump, 62% ang sumusuporta sa ganitong pananalita, at 38% ang ayaw rito.

Di-angkop ang ganitong pananalita sa tingin ng 89% ng di-tagasuporta ni Trump, at 11% naman ang nagsabing ayos lang ito.

Salin: Vera