Nagwagi sa H! Action Project Market ng Hainan Island International Film Festival, isinapubliko

Haitang Bay, Sanya, Lalawigang Hainan ng Tsina—Ginanap nitong Huwebes, Disyembre 10, 2020 ang seremonya ng paggawad ng H! Action Project Market ng Ika-3 Hainan Island International Film Festival (HIIFF).

Kabilang sa 561 rehistrasyon mula sa 10 bansa’t rehiyon, nagwagi ng taunang nominee award ang 22 proyekto ng pelikula.

Ito ang ika-2 taong itinaguyod ng HIIFF ang H! Action Project Market. Sa pagsisimula ng nasabing proyekto, nagpupunyagi itong sumuporta sa mga bagong puwersa ng industriya ng pelikula, at pinasusulong ang industriya ng pelikula ng bansa tungo sa susunod na ginintuang panahon.
 

Salin: Vera