Zhu Ting at Zhao Shuai, nominadong tagapagdala ng watawat ng delegasyong pampalakasan ng Tsina sa seremonya ng pagbubukas ng Tokyo 2020 Olympic Games

Ipinatalastas nitong Sabado, Hulyo 17, 2021 ng Chinese Olympic Committee (COC) na sina Women's volleyball team skipper Zhu Ting at taekwondo athlete Zhao Shuai ang mga nominadong tagapagdala ng watawat ng delegasyong pampalakasan ng Tsina sa seremonya ng pagbubukas ng Tokyo Olympic Games.

Si Zhu Ting

Sa isang pahayag na inilabas ng COC, sinabi nitong palagiang nakapokus ang seremonya ng pagbubukas sa mga tagapagdala ng watawat ng delegasyong pampalakasan ng Tsina.

Si Zhao Shuai

Anito, matapos ang pangongolekta ng palagay mula sa iba’t-ibang panig at maingat na pagsasaalang-alang, natiyak ng delegasyong pampalakasan ng Tsina ang dalawang tagapagdala ng watawat.

Salin: Lito
Pulido: Rhio