Ngayong araw sa kasaysayan: Disyembre 13, 1937, paglusob ng tropang Hapones sa Nanjing, nagresulta sa pagkamatay ng 300 libong sundalo at mamamayang Tsino
Ngayong araw, Disyembre 13 ay Pambansang Araw ng Paggunita sa mga Biktima sa Nanjing Massacre.
Ito ang ika-8 Pambansang Araw ng Paggunita sapul nang itakda ng Kataas-taasang Lehislatura ng Tsina ang Disyembre 13 bilang Pambansang Araw ng Paggunita sa mga Biktima sa Nanjing Massacre noong 2014.
Sa bisperas ng kaganapang ito, idinaos sa maraming lugar ng mga taga-Nanjing ang mga aktibidad bilang pag-alaala at pakikidalamhati sa 300 libong napaslang na kababayan.
Bukod pa riyan, idinaos ngayong umaga, Disyembre 13, 2021 sa harapan ng Bulwagang Pang-alaala sa mga Biktima sa Nanjing Massacre ang seremonya ng paglalagay sa pambansang watawat sa half-mast.
Matatandaang noong Hulyo 7, 1937, lantarang inilunsad ng mga mananalakay na Hapones ang komprehensibong digmaan laban sa Tsina, bagay na nakapaghatid ng napakalaki at walang katulad na kapahamakan sa mga mamamayang Tsino.
Noong Disyembre 17, 1937, idinaos ng mga Hapones ang seremonya ng pagpasok sa lunsod ng Nanjing.
Noong Disyembre 13, 1937, nilusob nila ang lunsod Nanjing: at dahil dito, 300 libong Tsino ang napaslang.
Mala-bundok na bangkay ng mga napaslang na Tsino sa panahon ng Nanjing Massacre.
Ito ay isang malubhang krimen laban sa sangkatauhan na nag-iwan ng malalim at di-mapaghilom na sugat sa puso sa buong Nasyong Tsino.
Noong Disyembre 1937, dahil sa pambobomba ng mga mananalakay na Hapones, napakalaking kasuwalti ang dinanas ng mga residente sa Nanjing. Sa litrato, makikita ang 3 patay na bata.
Sa kabila ng napakalupit na paglusob ng mga Hapones, hindi yumukod ang mga mamamayang Tsino.
Sa ilalim ng panawagan at pamumuno ng Partido Komunista ng Tsina (CPC), magkakasamang nakipaglaban ang iba’t-ibang puwersa ng Nasyong Tsino sa mga mananalakay at sa bandang huli, nakamit ang dakilang tagumpay laban sa pananalakay ng Hapon.
Ito ay nakapagbigay ng mahalagang ambag sa tagumpay ng World Anti-Fascist War.
Salin: Lito
Pulido: Rhio
Photo Courtesy: VCG
