UNESCAP: kalakalan ng paninda sa Asya-Pasipiko sa 2021, pinakamabuti sa buong mundo

Ayon sa ulat na ipinalabas kamakailan ng United Nations Economic and Social Commission for Asia and the Pacific (UNESCAP), mabilis na bumangon ang kalakalan ng paninda sa rehiyong Asya-Pasipiko sa taong 2021.

 

Ayon sa pagtaya, aabot sa 23.1% ang paglaki ng halaga ng pagluluwas, samantalang lalaki naman ng 22.8% ang halaga ng pag-aangkat ng mga paninda sa rehiyong Asya-Pasipiko ngayong 2021.

 

Dagdag pa ng ulat, mas mataas ang kabuuang lebel ng halaga ng pagluluwas at pag-aangkat sa rehiyong Asya-Pasipiko kumpara noong bago manalasa ang pandemiya ng Coronavirus Disease 2019 (COVID-19).

 

Sa taong 2021, mas mabuti ang kalagayan ng kalakalan ng paninda sa rehiyong Asya-Pasipiko kumpara sa ibang rehiyon ng daigdig, anang ulat.

Salin:Sarah

Pulido:Rhio