50 araw na countdown para sa Beijing 2022 Winter Olympic Games, sinimulan

Nagsimula na ang 50 araw na countdown kahapon Disyembre 16, 2021 para sa Beijing 2022 Winter Olympic Games.

 

Kaugnay nito, ipinahayag din kahapon ni Wang Wenbin, Tagapagsalita ng Ministring Panlabas ng Tsina, na handa na ang iba’t ibang gawain para sa kapistahang pampalakasang ito.

Aniya, sabik na sabik ang mga atleta ng iba’t ibang bansa sa pagdaraos ng Beijing Winter Olympic Games. Sa ngayon, aktibong lumalahok sila sa mga test competitions na idinaraos 50 araw bago ang opisyal na pagdaraos ng Beijing Winter Olympic Games.

 

Ipinaabot ni Wang ang taos pusang pagbati sa mga ateleta ng iba’t ibang bansa.

 

Salin:Sarah

Pulido:Mac