15 milyon ang nasawi dahil sa COVID-19 nitong nakaraang dalawang taon

Ayon sa pinakahuling estadistika na inilabas nitong Mayo 5, 2022, ng World Health Organization (WHO), umabot sa halos 15 milyon ang bilang ng mga nasawi na direkta o di-direktang dulot ng pandemiya ng Coronavirus Disease 2019 (COVID-19) noong 2020 at 2021 sa buong daigdig.

Ang karamihan sa mga namatay ay mula sa Amerika, Timog Silangang Asya, Europa at iba pang rehiyon.

Ipinahayag ni Tedros Adhanom Ghebreyesus, Direktor-Heneral ng WHO, na ipinakikita nitong kailangang mamuhunan ang lahat ng bansa sa mas madaling i-angkop na sistemang pangkalusugan para mapangalagaan ang pundamental na serbisyong pangkalusugan sa panahon ng krisis, na kinabibilangan ng mas malakas na sistema ng impormasyong pangkalusugan.

Salin:Sarah

Pulido:Mac