WRC 2022: Maganda ang hinaharap ng industriya ng robot ng Tsina

Natapos kahapon, Agosto 21, 2022, sa Beijing, ang World Robot Conference (WRC) 2022.

Sapul nang idaos ang kauna-unahang WRC noong 2015, ang WRC ay unti-unting naging mahalagang plataporma ng pagpapsulong ng pagpapalitan at pagtutulungan ng industriya at teknolohiya ng robot ng buong daigdig.

Maraming bagong tuklas sa larangan ng robot ang ipinakita sa WRC 2022, kaya ito ay naging bintana ng pagpapakilala sa kalagayan ng pag-unlad ng industriya ng robot.

Ipinalalagay ng mga dalubhasa at kinatawan ng naturang industriya na lumahok sa WRC 2022 na sa kasalukuyan, mabilis ang pag-unlad ng inobasyon ng industriya ng robot ng Tsina, at maliwanag na tumaas ang pundamental na kakayahan sa larangang ito.

Sinabi pa nilang sa pamamagitan ng patuloy na inobasyon at pagpapalalim ng paggamit, maganda ang nagiging pag-unlad ng industriya ng robot ng Tsina.

Salin:Sarah

Pulido:Mac