Panawagan ng Tsina sa iba’t-ibang panig kaugnay ng isyu ng Ukraine, panatilihin ang pagtimpi

2022-02-24 16:39:28  CMG
Share with:

Nanawagan Pebrero 23, 2022, si Zhang Jun, Pirmihang Kinatawan ng Tsina sa United Nations (UN), sa iba’t-ibang kinauukulang panig ng Ukraine na panatilihin ang pagtimpi para maiwasan ang anumang aksyon na posibleng magpalala pa sa mahigpit na kalagayan.

Panawagan ng Tsina sa iba’t-ibang panig kaugnay ng isyu ng Ukraine, panatilihin ang pagtimpi_fororder_01zhangjun

Ipinahayag ni Zhang na palagiang naninindigan ang Tsina para sa pangangalaga ng soberanya at kabuuan ng teritoryo ng iba’t-ibang bansa, at magkakasamang pagtalima sa diwa at prinsipyo ng Karte ng UN.

 

Alinsunod dito, nananawagan aniya ang Tsina sa iba’t-ibang panig na patuloy na isasagawa ang diyalogo at koordinasyon, batay sa pagkapantay-pantay at paggalang sa isa’t isa, at lutasin ang isyung ito sa pamamagitan ng mapayapang paraan.

 

Ini-enkorahe ng Tsina ang lahat upang magsikap at pasulungin ang diplomatikong kalutasan, ani Zhang.

 

Salin:Sarah

Pulido:Rhio

Please select the login method