Kampanya ng “kaaya-ayang Tsina,” komprehensibong pasusulungin

Magkasamang inisyu Huwebes, Enero 11, 2024 ng Komite Sentral ng Partido Komunista ng Tsina (CPC) at Konseho ng Estado ng bansa ang guidelines para komprehensibong pasulungin ang kampanya ng “kaaya-ayang Tsina.”

Anang guidelines, ito ang mahalagang target at nilalaman ng pagtatatag ng isang malakas na bansa at pagsasakatuparan ng dakilang pag-ahon ng nasyong Tsino.

Ayon sa guidelines, hanggang 2027, makikita ng bansa ang tuluy-tuloy na pagbabawas ng kabuuang pagbuga ng mga pangunahing pollutant, at pagbuti ng kalidad ng kapaligirang ekolohikal.

Hanggang 2035 naman, malawakang bubuuin ang berdeng pamamaraan ng produksyon at pamumuhay; darating sa peak value ang emisyon ng karbon at matatag itong bababa; at magkakaroon ng pundamental na pagbuti ang kapaligirang ekolohikal.

Pagtanaw sa kalagitnaan ng kasalukuyang siglo, komprehensibong patataasin ang sibilisasyong ekolohikal ng Tsina; ganap na bubuuin ang estilo ng berdeng pag-unlad at pamumuhay; isasakatuparan ang malalimang dekarbonisasyon sa mga pangunahing larangan; magiging malusog at kaaya-aya ang kapaligirang ekolohikal; komprehensibong isasakatuparan ang modernisasyon ng sistema at kakayahan sa pangangasiwa sa kapaligirang ekolohikal; at bubuuin sa lahat ng mga aspekto ang isang kaaya-ayang Tsina, anang guidelines.

Iniharap ng guidelins na hanggang 2027, kailangang umabot sa 45% ang proporsyon ng sasakyang gamit ang bagong enerhiya sa kabuuang bilang ng mga bagong yaring sasakyang de-motor.

Target din ng guidelines na palalimin ang pangangasiwa sa polusyon, pabilisin ang pagtatatag ng mga zero-waste city, palalimin ang ganap na pagbabawal sa pagpasok ng mga inangkat na basura, at mahigpit na pigilan ang lahat ng mga porma ng smuggling at pag-aangkat ng solid waste.

Salin: Vera

Pulido: Ramil