Kalakalang panlabas ng Tsina, lumago

Ayon sa estadistikang inilabas Oktubre 14, 2024, ng General Administration of Customs ng Tsina, umabot sa higit 32.3 trilyong yuan RMB ang kabuuang halaga ng pagluluwas at pag-aangkat ng mga paninda ng Tsina noong unang tatlong kuwarter ng 2024.

Ito’y lumaki ng 5.3% kumpara sa gayunding panahon ng tinalikdang taon, at sa kauna-unahang pagkakataon, ito ay lumampas sa 32 trilyong yuan RMB, dagdag ng kawanihan.

Samantala, umabot sa higit 15.2 trilyong yuan RMB ang pagluluwas at pag-aangkat ng Tsina sa mga bansa ng “Belt and Road Initiative (BRI) ” na lumaki ng 6.3%.

Salin:Sarah

Pulido:Rhio